ജർമ്മൻ വാഹന ബ്രാൻഡായ ഔഡി പുതിയ ഔഡി ആർഎസ് ക്യു8 ഫെയ്‌സ്‌ലിഫ്റ്റ് ഇന്ത്യൻ വിപണിയിൽ 2.49 കോടി രൂപ പ്രാരംഭ എക്‌സ്-ഷോറൂം വിലയിൽ അവതരിപ്പിച്ചു. പുതിയ ഔഡി ആർഎസ് ക്യു8 ഫെയ്‌സ്‌ലിഫ്റ്റ് 2024 ൽ ആണ് ആഗോളതലത്തിൽ അരങ്ങേറ്റം കുറിച്ചത്. ഈ മോഡലാണ് ഇപ്പോൾ ഇന്ത്യയിൽ ലോഞ്ച് ചെയ്തത്. എന്നാൽ അടുത്ത ആറ് മാസത്തേക്ക് അനുവദിച്ച എല്ലാ യൂണിറ്റുകളും ഇതിനകം വിറ്റുതീർന്നു എന്നതാണ് ശ്രദ്ധേയം. അടുത്ത ആറ് മാസത്തേക്കുള്ള ഈ എസ്‍യുവിയുടെ യൂണിറ്റുകൾ പൂർണമായും വിറ്റുതീർന്നതായി ഔഡി ഇന്ത്യ അറിയിച്ചു.
ഔഡി ക്യു8 അടിസ്ഥാനമാക്കി എത്തുന്ന ആർഎസ് ബാഡ്ജുള്ള പെർഫോമൻസ് എസ്‌യുവിക്ക് വി8 എഞ്ചിൻ ലഭിക്കുന്നു. 631 bhp പീക്ക് പവറും 850 Nm പീക്ക് ടോർക്കും ഉത്പാദിപ്പിക്കാൻ ട്യൂൺ ചെയ്ത 4.0 ലിറ്റർ ട്വിൻ-ടർബോചാർജ്ഡ് V8 എഞ്ചിനാണ്. ഇത് മുൻഗാമിയേക്കാൾ 40 bhp യുടെയും 50 Nm ടോ‍ക്കിന്റെയും വർദ്ധനവ് ലഭിച്ചു. ക്വാട്രോ സിസ്റ്റം വഴി നാല് ചക്രങ്ങളിലേക്കും പവർ അയയ്ക്കുന്ന എട്ട് സ്പീഡ് ഓട്ടോമാറ്റിക് ട്രാൻസ്‍മിഷനുമായി എഞ്ചിൻ ജോടിയാക്കിയിരിക്കുന്നു. ഓഡി ആർഎസ് ക്യു8 പെർഫോമൻസ് എസ്‌യുവിക്ക് വെറും 3.6 സെക്കൻഡിനുള്ളിൽ പൂജ്യത്തിൽ നിന്ന് 100 കിലോമീറ്റർ വേഗത കൈവരിക്കാൻ കഴിയും. 7 മിനിറ്റ് 36 സെക്കൻഡിനുള്ളിൽ നോർഡ്‌ഷ്ലൈഫ് ട്രാക്ക് പൂർത്തിയാക്കിയ ഏറ്റവും വേഗതയേറിയ എസ്‌യുവിയാണിത്. RS Q8 ഫെയ്‌സ്‌ലിഫ്റ്റിൽ അഡാപ്റ്റീവ് എയർ സസ്‌പെൻഷനും ആക്റ്റീവ് റോൾ സ്റ്റെബിലൈസേഷനും ഉണ്ട്.
ഔഡി RS Q8 പെർഫോമൻസ് 8 സ്റ്റാൻഡേർഡ് കളർ ഓപ്ഷനുകളിലും 9 എക്സ്ക്ലൂസീവ് കളർ ഓപ്ഷനുകളിലും ലഭ്യമാണ്. ഇതിന്റെ രൂപകൽപ്പന മുമ്പത്തേക്കാൾ കൂടുതൽ സ്‌പോർട്ടിയായി മാറിയിരിക്കുന്നു. ഇപ്പോൾ കമ്പനി അതിൽ പുതിയ ബമ്പറുകളും വലിയ അലോയ് വീലുകളും സ്ഥാപിച്ചു. ഇതിനുപുറമെ, ഉപഭോക്താക്കൾക്ക് ഷാർപ്പായ ഹെഡ്‌ലൈറ്റുകളും ഡിആർഎല്ലുകളും ലഭിക്കും. ഡ്യുവൽ സ്‌ക്രീൻ ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റമാണ് ഇതിലുള്ളത്. ഇതിനുപുറമെ, ഉപഭോക്താക്കൾക്ക് നാല് സോൺ ക്ലൈമറ്റ് കൺട്രോൾ, പവർ ടെയിൽഗേറ്റ്, പനോരമിക് സൺറൂഫ് എന്നിവ ലഭിക്കും. ഇതോടൊപ്പം, ആർഎസ് ബാഡ്ജിംഗും കാർബൺ ഫൈബർ ഇന്റീരിയർ ഇൻസേർട്ടുകളും ഇപ്പോൾ കാണാൻ കഴിയും.
ഔഡി RS Q8 ഫെയ്‌സ്‌ലിഫ്റ്റ് എസ്‌യുവിയിൽ 23 ഇഞ്ച് ഫോർജ്ഡ് അലോയ് വീലുകളും ഉണ്ട്. ഇവ സ്‌പോർട്ടി ടച്ചിനായി പൂർണ്ണമായും കറുപ്പിച്ചിരിക്കുന്നു. പുതിയ ഒഎൽഇഡി ടെയിൽലൈറ്റുകൾ ഉപയോഗിച്ച് ഓഡി RS Q8 ന്റെ പിൻഭാഗം അപ്‌ഗ്രേഡ് ചെയ്‌തു, കൂടാതെ ഒരു പുതിയ റിയർ ഡിഫ്യൂസറും ചേർത്തു. ക്യാബിനിൽ സ്‌പോർട്ടി ഫ്രണ്ട് സീറ്റുകൾ, അൽകന്റാര ലെതർ അപ്ഹോൾസ്റ്ററി, കോൺട്രാസ്റ്റ് സ്റ്റിച്ചിംഗ്, സ്‌പോർട്ടിയർ സ്റ്റിയറിംഗ് വീൽ എന്നിവ ഉൾപ്പെടെ എല്ലായിടത്തും ആർഎസ് ട്രീറ്റ്‌മെന്റ് ലഭിക്കുന്നു. പ്രീ-ഫെയ്‌സ്‌ലിഫ്റ്റ് പതിപ്പിലെന്നപോലെ ഡ്യുവൽ സ്‌ക്രീൻ സജ്ജീകരണവും ഇതിലുണ്ട്. ടച്ച്‌സ്‌ക്രീൻ ഇൻഫോടെയ്ൻമെന്റ് സ്‌ക്രീനും ഓട്ടോ ക്ലൈമറ്റ് കൺട്രോൾ ഫംഗ്ഷനുള്ള ഡിസ്‌പ്ലേയും സെൻട്രൽ കൺസോളിൽ ആധിപത്യം പുലർത്തുന്നു. അതേസമയം വെർച്വൽ കോക്ക്പിറ്റ് ചില നല്ല ഗ്രാഫിക്സുകൾക്കൊപ്പം എല്ലാ അവശ്യ വിവരങ്ങളും നൽകുന്നു.
ഡാഷ്‌ബോർഡിലെ ഗ്ലോസ്-ബ്ലാക്ക് ഫിനിഷ്, സ്റ്റിയറിംഗ് വീലിലെ അൽകന്റാര ഫിനിഷ്, ഗിയർ നോബ്, ഡോർ പാനലുകൾ തുടങ്ങി നിരവധി സ്‌പോർട്ടി ടച്ചുകൾ ഓഡി ആർഎസ് ക്യു8 ഫെയ്‌സ്‌ലിഫ്റ്റിന്റെ ക്യാബിനിലും കാണാം. ഫീച്ചർ ഫ്രണ്ടിൽ, വയർലെസ് ചാർജിംഗ്, ഫോർ-സോൺ ക്ലൈമറ്റ് കൺട്രോൾ, ആംബിയന്റ് ലൈറ്റിംഗ്, പനോരമിക് സൺറൂഫ്, പവർഡ് ടെയിൽഗേറ്റ് തുടങ്ങി നിരവധി സവിശേഷതകൾ ആർഎസ് ക്യു8-ൽ ലഭ്യമാണ്.
വിപണിയിൽ, ലംബോർഗിനി ഉറുസ് എഇ, മസെരാട്ടി ഗ്രെക്കേൽ, പോർഷെ കയെൻ ജിടിഎസ് തുടങ്ങിയ ഉയർന്ന പ്രകടനമുള്ള എസ്‌യുവികളുമായി ഓഡി RS Q8 പെർഫോമൻസ് നേരിട്ട് മത്സരിക്കുന്നു. നിങ്ങൾക്ക് ആഡംബരവും അതിവേഗതയമുള്ള ഒരു എസ്യുവി വേണമെങ്കിൽ, ഔഡി ആർഎസ് ക്യു8 പെർഫോമൻസ് മികച്ച ഒരു ഓപ്ഷനായിരിക്കും.
