അങ്ങനെ കഴിഞ്ഞ വർഷത്തെ മോട്ടോർസൈക്കിൾ മാമാങ്കത്തിൽ കമ്പനി ക്ലാസിക് 650 അവതരിപ്പിക്കുകയുണ്ടായി. ഇത്തവണ എത്തിയിരിക്കുന്നത് ബുള്ളറ്റിന്റെ 650 സിസി പതിപ്പാണ് കേട്ടോ. ഒമ്പത് പതിറ്റാണ്ടിലേറെയായി ബുള്ളറ്റ് വിപണിയിലുണ്ടെങ്കിലും ഇത്രയും വലിയ ശേഷിയുള്ള ഒരെണ്ണം ഇതാദ്യമായാണ് പിറവിയെടുക്കുന്നത്. ഓൾഡ് സ്കൂൾ സ്റ്റൈലിംഗ് പിന്തുടർന്ന് എന്നാൽ മോഡേൺ ഫീച്ചറുകൾ ഉൾക്കൊള്ളിച്ചാണ് ബുള്ളറ്റ് 650 പണിതിറക്കിയിരിക്കുന്നത്
കാലാതീതമായ സ്വഭാവത്തിൽ ഉറച്ചുനിൽക്കുന്ന പുതിയ ബുള്ളറ്റ് 650 എല്ലാത്തരം ആളുകളേയും ആകർഷിക്കാൻ പ്രാപ്തമായിരിക്കും. കൈകൊണ്ട് വരച്ച റിയർസ്ട്രൈപ്പുകളുള്ള ടിയർഡ്രോപ്പ് ഫ്യുവൽ ടാങ്ക്, വിങഡ് ബാഡ്ജ്, ടൈഗർ-ഐ പൈലറ്റ് ലാമ്പുകളുള്ള കാസ്ക്വെറ്റ്-മൗണ്ടഡ് എൽഇഡി ഹെഡ്ലാമ്പ് എന്നിവല്ലാം ഉൾക്കൊള്ളിച്ചാണ് റോയൽ എൻഫീൽഡ് ബുള്ളറ്റ് 650 പണികഴിപ്പിച്ചെടുത്തിരിക്കുന്നത്
ഇന്റർസെപ്റ്റർ, കോണ്ടിനെന്റൽ ജിടി, സൂപ്പർ മീറ്റിയോർ, ഷോട്ട്ഗൺ, ക്ലാസിക് എന്നിവയ്ക്ക് ശേഷം ഇതേ നിരയിലേക്ക് എത്തുന്ന പുതുമോഡലാണ് ബുള്ളറ്റ് 650. റോയൽ എൻഫീൽഡിന്റെ പരീക്ഷിച്ചു വിജയിച്ച 648 സിസി പാരലൽ-ട്വിൻ എഞ്ചിനാണ് പുതിയ ബുള്ളറ്റിന് കരുത്ത് പകരുന്നത്. ഇന്റർസെപ്റ്റർ 650, കോണ്ടിനെന്റൽ ജിടി 650 എന്നിവയിൽ ഉപയോഗിക്കുന്ന അതേ യൂണിറ്റാണിത്
എങ്കിലും ബൈക്കിന്റെ സ്വഭാവ സവിശേഷതകൾക്ക് അനുസരിച്ച് റീട്യൂൺ ചെയ്തിട്ടുണ്ടെന്നാണ് വിവരം. 6 സ്പീഡ് ഗിയർബോക്സും സ്ലിപ്പർ ക്ലച്ചും മോട്ടോർ ഘടിപ്പിച്ചിരിക്കുന്നതിനാൽ സുഗമമായ പെർഫോമൻസിനൊപ്പം ഹാൻഡിലിംഗും മികച്ചതാവും. പെർഫോമൻസ് കണക്കുകൾ ഔദ്യോഗികമായി വെളിപ്പെടുത്തിയിട്ടില്ലെങ്കിലും എഞ്ചിന് 7,250 ആർപിഎമ്മിൽ 46.39 bhp പവറും 5,650 ആർപിഎമ്മിൽ 52.3 Nm ടോർക്കും വരെ ഉത്പാദിപ്പിക്കാൻ ശേഷിയുള്ളതാവും.
| Engine | Parallel-twin, SOHC, 270-degree crankshaft |
| Power | 46 bhp at 7,250 rpm |
| Torque | 52.3 Nm at 5,650 rpm |
| Gearbox | 6-speed with slipper clutch |
| Wheelbase | 1,475 mm |
| Ground clearance | 154 mm |
| Kerb weight | 243 kg |
| Fuel tank | 14.8 litres |
| Chassis | Steel tubular spine frame |
| Front suspension | 43 mm telescopic forks with 120 mm travel |
| Rear suspension | Twin shock absorbers with 90 mm travel |
| Front tyre | 100/90 19-inch |
| Rear tyre | 140/70 18-inch |
| Front brake | 320 mm |
| Rear brake | 300 mm |
| ABS | Dual-channe |
