കാത്സ്യം, അയേൺ, വിറ്റാമിൻ ഡി, വിറ്റാബിന്‍ ബി1, കാര്‍ബോഹൈട്രേറ്റ്, അമിനോ ആസിഡ് തുടങ്ങിയവ അടങ്ങിയതാണ് റാഗി. പ്രോട്ടീനുകളുടെ കലവറയാണ ചെറുപയർ. അതിനാല്‍ പ്രാതലിന് കഴിക്കാന്‍ പറ്റിയ നല്ലൊരു ഹെല്‍ത്തി ഭക്ഷണമാണ് റാഗി ചെറുപയർ ദോശ.
വേണ്ട ചേരുവകൾ
ചെറുപയർ - 1 കപ്പ്‌
റാഗി - 1/2 കപ്പ്‌
ജീരകം - 1 ടീസ്പൂൺ
ഉലുവ - 1 ടീസ്പൂൺ
പച്ച മുളക് - 2 എണ്ണം
ഇഞ്ചി - 1 ടേബിൾ സ്പൂൺ
വെള്ളം - 2 കപ്പ്‌
ഉപ്പ് - ആവിശ്യത്തിന്
നെയ്യ് - ആവിശ്യത്തിന്
തയ്യാറാക്കുന്ന വിധം
3 മണിക്കൂർ ചെറുപയർ കുതിർത്തു വയ്ക്കുക. ശേഷം ഒരു മിക്സിയുടെ ജാറിലേയ്ക്ക് കുതിർത്ത ചെറുപയർ, റാഗി പൊടി, ഇഞ്ചി, ജീരകം, പച്ചമുളക്, ആവിശ്യത്തിന് ഉപ്പും വെള്ളവും ചേർത്ത് നല്ലതുപോലെ അരച്ചെടുക്കുക. എന്നിട്ട് ഈ മിശ്രിതം 1 മണിക്കൂറോളം ഫെർമെന്റ് ചെയ്യുവാനായി മാറ്റി വയ്ക്കുക. ശേഷം ദോശ കല്ലിൽ അല്പം നെയ്യൊഴിച്ചു ദോശ ചുട്ടെടുകാം.
